هذي فضيحه برنامج شاعر المليون وتراها حصريا ولا فيه منتدى أو أي وسيله اعلاميه تدري عنه ، وهالفضيحه تبين لنا إن كل البرامج فيها كذب وخداع على المشاهدين لكي تبين لهم أنهم برامج مهمه والكل يتابعها ، مصدري موثوق وواحد من شلتي .
كل من تابع البرنامج كان فيه متسابق يماني أسمه أحمد الشريف وكان يتضح للمشاهد العادي أنه جاءهم في الرياض وبعدها لحقهم في الدمام ثم لحقهم في البحرين وفعلا أوهمونا بالشئ لكي يبينون لنا إن البرنامج مهم والكل يطارهم ومنهم أحمد الشريف .
طيب أسمعوا الحقيقه من الشقردي.
هذا الله يسلمكم أحمد الشريف طالب في ثالث ثانوي في ثانوية الشفاء في حي الشفاء في الرياض ويعلمني خويي عنه يقول طالب عادي ويكتب قصائد ويوم جت اللجنه في الرياض راح لهم وطردوه قالوا قصيدتك بدون وزن بعد ماطلع مسكه المخرج قال هات رقمك وتعال لنا في الدمام بدون علم اللجنه وجاءهم على حسابهم حتى السكن وتفاءجات اللجنه وبعدها قالت اللجنه مايجينا في البحرين وفعلا طلعوا له تأشيره وجاءهم البحرين وجازت لهم الشغله وجابوه الامارات وسووا أنهم تفأجأو وأهم كذابين بس عشان يبينون ان البرنامج قوي ، وعلى فكره أحمد أحواله الماديه ضعيفه وجته فلوس وهذا كلام أحمد بنفسه للمدرسين عشان ذيك الفتره كان يغيب عن المدرسه عشان يكمل المسرحيه والفضيحه اللي أكبر أن فيه شعراء من جنبها وتجيهم قصائد من برى وعلى العموم أحمد في ثانوية الشفاء عشان اللي يتأكد من صحة كلامي .
في الاخير يتضح أن كل البرامج قائمه على الغش وهمها الكسب المادي وبس
الأحد فبراير 24, 2008 9:20 am
<صمتي يشرح سكوتي.::.